About this role
Det er ledig stilling som kantor/kyrkjemusikar i 100 % i Ålesund kyrkjelege fellesråd med Borgund sokn som arbeidsstad. Ålesund er den største byen mellom Bergen og Trondheim, folketalet i kommunen er på omlag 56 000 innbyggjarar. Byen har eit godt utbygd skuletilbod og har Universitet (NTNU), fleire grunnskular, to vidaregåande skular, to folkehøgskular og to private kristne ungdomsskular. I kommunen ligg Ålesund sjukehus. Vigra lufthamn, som ligg ca 20 minutt unna, har flysamband til resten av Norge og til utlandet. Borgund sokn utgjer saman med Ellingsøy sokn eit samarbeidsområde. Soknet har ca. 5.200 medlemmar. Borgund kyrkje ligg vakkert til i eit populært friluftsområde nær Sunnmøre Museum. Kyrkjelydshus med kontorlokale og eigen barnehage, ligg like ved kyrkja. Kyrkjelyden har sokneprest, kantor, kyrkjetenar, dagleg leiar, diakon, kyrkjelydspedagog og kateket/ungdomsprest. Det er stabsfellesskap mellom sokna i Borgund og Ellingsøy med felles dagleg leiar, diakon, kyrkjelydspedagog og kateket/ungdomsprest. Orgelet i Borgund kyrkje er bygd i 1981 av Marcussen & Søn, Danmark. Orgelet har 35 stemmer og tre manualar. Kyrkja har også eit kororgel laga av Paul Ott, Tyskland. Ålesund har eit aktivt musikkmiljø med bla symfoniorkester, musikkline ved vidaregåande skule og kulturskule. For meir informasjon Heimeside: www.borgund.menighet.no Arbeidsoppgåver Tenestegjere ved gudstenester og andre kyrkjelege handlingar. Lede og utvikle kyrkjelydens musikk og kulturarbeid Korarbeid. Kyrkjelyden har barnekor og kyrkjekor Gi støtte til kyrkjelydens øvrige arbeid og inngå i tverrfaglege satsingar. Vere ein kyrkjemusikalsk ressurs for kyrkjelyd, stab og fellesråd. Samarbeid med nabosokn om konsertverksemd Delta i stabs- og fagmøte og andre administrative møtepunkt. Nokre tenester, t.d. gravferder, i andre kyrkjelydar må ein rekne med Tilsyn med kyrkja sine instrument Kvalifikasjonar Fortrinnsvis utdanning i samsvar med Tenesteordning for kantorar eventuelt kyrkjemusikar med anna relevant utdanning/realkompetanse/kirkemusikalsk utdanning Krav om allsidige orgel og piano ferdigheiter, samt erfaring frå kantorarbeid Gode norskkunnskapar, både munnleg og skriftleg, tilsvarande minimum nivå B2 etter Det felles europeiske rammeverket for språk. Personlege eigenskapar Du er engasjert og kreativ, og har eit ønskje om å bidra i kyrkjelydens musikalske arbeid Kontaktskapande og samarbeidsvillig, evne til å arbeide både sjølvstendig og i team Personlege eigenskapar vil bli tillagd stor vekt Vi tilbyr Hyggelege kollegar i ein stab som har fokus på eit godt arbeidsmiljø Spennande og varierte arbeidsoppgåver og gode moglegheiter for fagleg utvikling Eit engasjert sokneråd dei tilsette kan samarbeide med. Lønn etter KAs tariffavtale Pensjons- og forsikringsordningar Anna Det er utarbeida plan for kyrkjemusikalsk arbeid i soknet. For å bli tilsett må ein ha førarkort klasse B og kunne disponere eigen bil i arbeidet. Den som får tilbod om stillinga må legge fram barneomsorgsattest (politiattest), jfr Lov om tros- og Livssynssamfunn § 20 Tilsetting i Ålesund kyrkjelege fellesråd med for tida Borgund sokn som arbeidsstad. Aktuelle kandidatar blir innkalla til intervju og eventuelt prøvespeling og prøvedireksjon. Stillinga er ledig frå 1. januar 2027. KontaktinformasjonKristin Smehus, daglig leder, 945 32 479 ArbeidsstadBorgundgavlen 30 6015 Ålesund Nøkkelinformasjon:Arbeidsgivar: Ålesund kyrkjelege fellesråd Referansenr.: 5150920018 Stillingsprosent: 100% Fast Søknadsfrist: 23.08.2026 Om arbeidsgiveren: Ålesund kommune har ca. 60 000 innbyggjarar. Ålesund kyrkjelege fellesråd omfattar sju sokn og ei gravplassavdeling, betente av seks staber. Fellesrådet har 44 tilsette, i tillegg til sesongarbeidarar i vekstperioden. I sokna gjer 12 prestar og éin prost teneste. Det er til saman ti kyrkjebygg og ei rekkje andre bygg i fellesrådsområdet. I tillegg forvaltar fellesrådet 15 gravplassar.