About this role
Nav økonomiteneste har ei nyoppretta stilling som eigedomsansvarleg. Vi søker etter ein strukturert og engasjert kollega som får ei sentral rolle i eigedomsforvaltning av Nav sine lokale på Leikanger. Du får ei viktig rolle i å sikre gode, trygge og framtidsretta løysingar for drift, utvikling og bruk av lokala – i samarbeid med både interne og eksterne aktørar. Nav økonomiteneste (ØT) leverer landsdekkande økonomitenester for Nav, med ansvar for rekneskap, lønn, bestilling og faktura, utbetalingar og intern brukarstøtte. Vi jobbar kontinuerleg med å utvikle økonomiområdet og tilby effektive tenester som støttar det viktige samfunnsoppdraget til Nav. Vi er inne i ein spennande fase med utvikling på fleire område, også knytt til eigedomsforvaltning.