About this role
100 % raeriestæjja laanteburrien sisnjelen. Aktem jaepiem sæjjasadtjebarkoem. Snåasen tjïelte ïedjtije jïh maehteles raeriestæjjam åhtsa mij edtja laanteburriereereminie barkedh. Snåasen tjïelten lea ïedtjije jïh eadtjohke laanteburriebyjrese, jienebi utnijigujmie mah stoerre ïedtjem utnieh lissiejielieminie gïehtelidh. Goh raeriestæjja sïjhth meatan årrodh barkoedåehkesne mij reereminie laanteburrieaamhtesijstie jïh dåarjojste barkeminie. Jis dov lea ïedtje laanteburreste daate faagebarkoe nuepiem vadta haestije barkoelaavenjassh åadtjodh, hijven nuepine jïjtjemdh faageles evtiedidh. Snåasen tjïelte 100 % raeriestæjjam daarpesje laanteburrien sisnjelen. Barkoe lea sæjjasadtjebarkoe mij vaasa aktem jaepiem.Barkoe bïejesovveme evtiedimmieektievoeten nualan gusnie teknihke, laanteburrie, byjrese, evtiedimmie, jieleme jïh kultuvre. Dan åvteste barkoelaavenjassh jïh haestemh joekoen gellielaaketje jïh iedtije. Tjïelte laavenjostoem åtna tjïeltigujmie Innherredesne, jïh joekoen Stientje jïh Inderøy. Mijjieh laavenjostoem tseegkeminie gelline faagesuerkine juktie faagebyjresidie abpe regijovnesne nænnoestidh, dejnie nuepine nænnoes faagedåehkieh darjodh stuerebe evtiedimmienuepine ektesne. Barkoelaavenjassh Barkoelaavenjassh leah tjïelten reereme laakijste jïh dåarjoeöörnegijstie mah vïedteldihkie laantebårran. Prosjektebaseereme evtiedimmiebarkoe vïedteldihkie laantebårran sæjhta aaj sjyöhtehke årrodh. Lissine maahta laavenjassh åadtjodh sektovren jeatjah barkojne daerpiesvoeten mietie. Kvalifikasjovnh Tjoerh ööhpehtimmiem utnedh unnemes bachelornjieptjesne faagi sisnjeli mah sjyöhtehke laanteburriereeremasse. Sïjhtebe ohtsijh vuarjasjidh jeatjah sjyöhtehke ööhpehtimmine jallh faagedååjrehtimmine. Sjyöhtehke dååjrehtimmie maahta kompensasjovnine årrodh faatoes ööhpehtimmien åvteste. Vihkele hijven goerkesinie elliesvoeteste, jïh ïedtjine laantebårran jïh laanteburriebarkose. Tjoerh maehtedh varke daajroem reebledh orre digitaale systeemigujmie. Persovneles jijtsevoeth Mijjieh datnem vaajtelibie gie maahta jïjtjeraarehke barkedh, jïh hijvenlaakan mubpiejgujmie barkh. Tjoerh maahtoem jïh væljoem utnedh tjarke barkedh lissie fuehpie boelhkine. Jaahkods, struktuvren mietie barkh jïh evtiedimmienuepieh vuajnah, leah aaj jïjtjevoeth mejtie leavloem bïejebe. Sïjhtebe leavloem bïejedh persovneles sjïehtelesvoetese. Mijjieh faalehtibie Ïedtjije barkoebiejjie faagesuerkien sisnjelen stoerre darjomenjieptjine jïh stoerre veanhtadimmiejgujmie tjïelten dïenesjidie. Hijven nuepieh faageles jïh persovneles evtiedæmman. Baalhka ööhpehtimmien jïh barkoedååjrehtimmien mietie. Tjïelten leah hijven pensjovne-, tjirkeme- jïh buerieveasoeöörnegh. Fleksibiliteete jïh sjiehtedamme barkoebiejjie.