About this role
Er du ein trygg og engasjert leiar med hjarte for fag, folk og gode helsetenester? Vi søkjer ein tydeleg og utviklingsorientert teamleiar til eitt års vikariat i Eidsdal omsorgsteneste. Periode: september 2026 – august 2027. Stillinga er 100 %, med om lag 50 % administrative leiaroppgåver og 50 % klinisk arbeid som sjukepleiar. Som teamleiar i Eidsdal vil du ha ei sentral rolle i å sikre gode og forsvarlege tenester til våre brukarar, samt bidra til utvikling av fag og arbeidsmiljø. Du blir ein del av leiargruppa under Valldal–Eidsdal pleie og omsorg, og arbeider tett saman med andre leiarar og fagpersonar. Eidsdal omsorgsteneste har ansvar for 12 heildøgn bemanna omsorgsbustader, samt heimebaserte tenester i Eidsdal og Norddal. Vi legg vekt på brukarorienterte tenester, fagleg kvalitet og god samhandling. Arbeidsoppgåver Dagleg leiing og drift av tenesta Personaloppfølging, turnusarbeid og ressursstyring Sikre kvalitet, pasienttryggleik og fagleg utvikling Bidra til godt arbeidsmiljø og god samhandling i teamet Klinisk arbeid som sjukepleiar i tenesta Samarbeid med pårørande, lege, andre faggrupper og samarbeidspartnarar Kvalifikasjonar Autorisasjon som sjukepleiar Gjerne vidareutdanning eller erfaring innan leiing Erfaring frå kommunehelsetenesta er ein fordel God munnleg og skriftleg framstillingsevne Personlege eigenskapar Tydeleg og inkluderande leiarstil Evne til å motivere og utvikle medarbeidarar Strukturert og løysingsorientert Gode samarbeidsevner og kommunikasjonsevner Evne til å stå i endring og handtere eit hektisk arbeidskvardagsliv Personlege eigenskapar vert vektlagt Vi tilbyr Ei spennande og variert leiarstilling Eit godt fagmiljø med dyktige og engasjerte kollegaer Moglegheit til å påverke og utvikle tenesta Løn etter gjeldande avtaleverk KontaktinformasjonSindre Søvik Erstad, Kommunalsjef Helse, Omsorg og Velferd, +47 95855960 ArbeidsstadGjerthagen 29 6215 Eidsdal Nøkkelinformasjon:Arbeidsgivar: Helse, omsorg og velferd Fjord kommune Referansenr.: 5145844369 Stillingsprosent: 100% Vikar Startdato: 01.09.2026 Sluttdato: 31.08.2027 Søknadsfrist: 12.07.2026 Om arbeidsgiveren: Fjord kommune ligg, midt i det kjende, vestlandske fjordlandskapet, i Møre og Romsdal. Fjord kommune som har litt under 2500 innbyggjarar, byr på svært gode oppvektsvilkår, eit attraktivt kulturliv og attraktive områder for friluftsliv, både sommar og vinter. Deler av dette området har fått Unescos verdsarvstatus. Fjord kommune har eit spennande næringsliv som spenner om reiseliv, primærnæring, innovative nysatsingar innan oppdrett og møbelindustri og ulike andre former for industriell produksjon, men også fleire verksemder innan bygg og anleggsbransjen. Fjord kommune tar mål av seg til å vere ein kommune med fokus på tilrettelegging for lokalt næringsliv. Kommunen har også klare mål om å utvikle dei kommunale tenestene på ein god og effektiv måte til beste for innbyggjarane. Les meir om kommunen via opplevfjord.no