About this role
Er du den som ser løysingar framfor avgrensingar og moglegheiter framfor utfordringar? Bu- og habiliteringsavdelinga ser etter deg som er positiv, sjølvstendig, god på å skape relasjonar og som ønskjer å jobbe med menneske med utviklingshemming og funksjonsnedsetting. Vi har ledig ei 100% fast stilling som miljøterapeut i seksjon Båre. Bu- og habilitering høyrer til helse- og meistringssektoren i kommunen. Avdelinga har ansvar for tenester til menneske med utviklingshemming og andre funksjonsnedsettingar som har behov for bistand i eigen heim. Avdelinga har tre seksjonar; Gneis, Lunde og Båre. Arbeidet kan organiserast med lange vakter og er for tida i todelt turnus med 35,5 timers arbeidsveke og arbeid kvar tredje helg. Arbeidsoppgåver rettleie personalet i det daglige miljøarbeidet i avdelinga legemiddelhandtering bistand til ADL-trening (trening på aktivitetar i dagleglivet) bistand til daglege gjeremål og fritidsaktivitetar ansvar for utarbeiding av miljøterapeutiske tiltak dokumentasjon etter gjeldande lovverk i journalsystemet Gerica Kvalifikasjonar treårig høgskuleutdanning innanfor helse-og sosialfag, gjerne vernepleiar/sjukepleiar relevant erfaring frå liknande arbeid kan bruke IKT og velferdsteknologi som arbeidsverktøy kjennskap og erfaring kring helse og omsorgstenestelova kapittel 9, tvang og makt førarkort klasse B Vi ber om at du lastar opp vitnemål og attestar i Webcruiter saman med søknaden. Autorisasjon og godkjend politiattest må leggast fram før tilsetting. Personlege eigenskapar evne til teamarbeid, samarbeid og sjølvstendig arbeid målretta, kreativ og strukturert løysningsorientert fleksibel foregangsperson evne til å engasjere og motivere gode kommunikasjonsevner både munnleg og skriftleg set pris på å arbeide med og i lag med menneske Vi legg vekt på at søkjaren er personleg eigna for stillinga. Vi tilbyr utfordrande, varierte, interessante arbeidsoppgåver og gode kollegaer løn etter gjeldande tariffavtale, lover og reglement IA-bedrift pensjonsordning og frivillig fritidsforsikring tverrfagleg yrkesgruppe med vernepleiar, sosionom, barnevernspedagog og fagarbeidar elektroniske kurs gjennom Norsk Helseinformatikk (NHI) og Visma Veilederen Vi tilset på dei vilkåra som går fram av gjeldande tariffavtale, lover og reglement. Aktuelle kandidatar vil verte kalla inn til intervju. Søkarlista kan verte offentleggjort. Herøy kommune er i kommunegruppe 5. Dersom du bur og arbeider i kommunen, kan du frå 1. januar 2025 årleg få sletta studielånet med 25 000 kroner når året er gått. Dette gjeld også dersom du flyttar til kommunen etter denne datoen. KontaktinformasjonMarita Zahl Tarberg, Seksjonsleiar, +47 70081300 ArbeidsstadSjukeheimsvegen 6 6092 FOSNAVÅG Nøkkelinformasjon:Arbeidsgivar: Herøy kommune Referansenr.: 5110903456 Stillingsprosent: 100% Fast Søknadsfrist: 15.07.2026 Om arbeidsgiveren: Herøy kommune er perla ytst mot storhavet på Sunnmøre. Det er nær 9000 innbyggarar i Herøy. Arbeidsmarknaden i regionen er stor og variert. Herøy er spesielt kjent for å skape verdiar frå hav og fiske. Frå Fosnavåg, kommunesenteret vårt, tek det 45 minutt å køyre til Ørsta-Volda lufthamn. Til Ålesund kjem du deg på under halvannan time. Kommunen sin visjon er "ei båtlengd føre". Kjerneverdiane våre er respekt, tillit og samhandling. VI er om lag 750 tilsette i kommuneorganisasjonen. I Herøy har vi eit breitt kultur-, fritids- og idrettstilbod med festivalar og arrangment for alle. Naturen og kysten vår er vakker. Øya Runde, med det mektige fuglefjellet, er vi ekstra stolte av !